„ხალხის ძალის“ წევრის, მიხეილ ყაველაშვილის განცხადებით, ის შედეგი, რაც ვიხილეთ, ფეხბურთის ფედერაციის დინამიკური მუშაობის პირობებში მოხდა. დეპუტატი „ლელოს“ წევრების კომენტარებს გამოეხმაურა, რომლებიც აღნიშნავენ, რომ საქართველოს გამარჯვების საკითხში წვლილი მხოლოდ ფეხბურთელებს მიუძღვის და არა ფედერაციას.
„როგორ შეიძლება განაცალკეო ეს საერთო სახალხო ზეიმი, გამოყო ეს წარმატება და დააცალკეო როგორც ფეხბურთის ფედერაცია, ხელისუფლება და ხალხი. ეს დინამიკა, რომელიც ბოლო წლებში ფედერაციის მუშაობის შედეგად განვითარდა, შედეგით დასრულდა, და ახლა სწორედ ასეთი წარმატების დროს, ვინმეს სტვენის საშუალება რომ აქვს და ამ თვალსაზრისით აზროვნებს, ე.ი მას არაფერი ესაქმება ქვეყნის განვითარებასთან“, – განაცხადა მიხეილ ყაველაშვილმა.
UEFA-ს პოზიტიურმა სტატიამ, სადაც ხაზგასმულია საქართველოს ფეხბურთის ფედერაციის წვლილი ქვეყანაში ფეხბურთის განვითარებაში, ხაზარაძის პარტია გააღიზიანა. „იმედის“ „ფეისბუქ“-გვერდზე, სადაც UEFA-ს სტატიის ციტატაა განთავსებული, პარტიის წარმომადგენლები UEFA-ს აგრესიულად აკრიტიკებენ და წერენ, რომ საქართველოს გამარჯვების საკითხში წვლილი მხოლოდ ფეხბურთელებს მიუძღვის და არა ფედერაციას.