ჰააგის მართლმსაჯულების საერთაშორისო სასამართლომ (ICJ) ისრაელს დაავალა, ღაზის სექტორში ჰუმანიტარული დახმარების შეუფერხებლად მიწოდება უზრუნველყოს. ამის შესახებ BBC წერს.
სასამართლოს გადაწყვეტილებაში აღნიშნულია, რომ ისრაელმა უნდა იმოქმედოს „დროულად“, რათა უზრუნველყოს, რომ გადაუდებელი აუცილებლობის საბაზისო მომსახურებისა და ჰუმანიტარული დახმარების მიწოდება“.
ისრაელის საგარეო საქმეთა სამინისტროს განცხადებით, ის მუშაობს ახალ ინიციატივებზე და აფართოებს უკვე არსებულებს, რათა უზრუნველყოს ღაზის სექტორში ჰუმანიტარული დახმარების მიწოდება „ხმელეთით, ზღვით და ცით“. მათივე განცხადებით, ღაზაში შექმნილ სიტუაციაზე პასუხისმგებელი „ჰამასია“, რომელმაც დაიწყო ომი.
კომენტარები