ამერიკული, გერმანული და ტაივანური კომპანიები აწარმოებენ ნიტროცელულოზას (აზოტის ცელულოზას ნაზავი), რომლის დიდი ნაწილი თურქული კომპანიის მეშვეობით, სანქციების მიუხედავად, რუსეთში იგზავნება. ამის შესახებ გამოცემა The Wall Street Journal-ი წერს.
ნიტროცელულოზა კრიტიკულად მნიშვნელოვანია საარტილერიო საბრძოლო მასალის წარმოებისთვის. ვაჭრობის მონაცემების თანახმად, საერთაშორისო სანქციების მიუხედავად რუსეთმა გააძლიერა ამ ასაფეთქებელი ნივთიერების იმპორტი, მათ შორის აშშ-სა და დასავლეთის სხვა ქვეყნებში დაფუძნებული კომპანიებისგან.
ნიტროცელულოზა აალებადი ბამბის პროდუქტია, რომელიც დენთის და სარაკეტო საწვავის წარმოებაში გამოიყენება. 2022 წელს რუსეთმა მისი იმპორტი 70%-ით გაზარდა 2023 წლის პირველ ნახევარში ამ მაჩვენებელმა 3 039 ტონა შეადგინა, რაც 2021 წლის მაჩვენებელზე თითქმის ორჯერ მეტია.
მსოფლიოში ნიტროცელულოზას მხოლოდ რამდენიმე ქვეყანა აწარმოებს, რადგან მისი პირველადი გამოყენება არის საბრძოლო მასალა და ამიტომ ის საერთაშორისო სავაჭრო შეზღუდვებს ექვემდებარება.
ჩინეთმა გაზარდა ნაერთის მიწოდება რუსეთში აშშ-სა და ევროკავშირის სანქციების ფონზე, მაგრამ ამერიკული, გერმანული და ტაივანური კომპანიები ასევე არიან მათ შორის, ვინც აწვდის ნიტროცელულოზას რუსეთს ბოლო ორი წლის განმავლობაში.