ქალების მონაწილეობა არა მხოლოდ პოლიტიკაში, ზოგადად ყველაფერში, უზრუნველყოფს ქვეყნის განვითარების განსაკუთრებულად სწორ და მდგრად განვითარებას, – ამის შესახებ ნინო წილოსანმა გადაცემაში „იმედი LIVE“ განაცხადა.
პარლამენტის თავმჯდომარის მოადგილემ და „ქართული ოცნების“ ქალთა ორგანიზაციის თავმჯდომარემ განმარტა რა გეგმები აქვს ორგანიზაციას საპარლამენტო არჩევნებთან დაკავშირებით.
„რა თქმა უნდა, ჩვენ „ქართული ოცნების“ ნაწილი ვართ, ამიტომ წინასაარჩევნოდ განსაკუთრებით გავაქტიურდებით. მთელი ეს 2 წელი მოვანდომეთ იმას, რომ ჩვენს წევრებს, ანუ პარტიის წევრ ქალებს, რომლებიც აქტიურად მონაწილეობენ პროცესში, საკუთარი ელექტორატი გაუჩნდეს. ვიცით, რომ არჩევნები ზუსტადაც რომ ამომრჩეველთან სწორ კომუნიკაციასთან, მათი საჭიროებების ზუსტად დანახვასთან და ამ ყველაფრის საარჩევნო პროგრამაში შეტანასთან არის დაკავშირებული. რა თქმა უნდა, ჩვენ ამ მიმართულებითაც გვექნება ჩვენი წვლილი. ვფიქრობ, გავზრდით ქალების მხარდაჭერას „ქართლი ოცნების“ მიმართ“, – განაცხადა წილოსანმა.