ემზადება თუ არა ნიკა გვარამიას მიერ დაფუძნებული ტელეკომპანია ლგბტ პროპაგანდისთვის? მმართველი გუნდის მტკიცებით, “თავარ არხს“ შესაბამისი გრანტი უკვე დაუმტკიცდა. ამ ინფორმაციას არ ადასტურებს თავად ნიკა გვარამია, რომელიც აცხადებს, რომ ტელეკომპანიის მიერ მიღებულ გრანტს ლგბტ პროპაგანდასთან კავშირი არ აქვს.
თემის გააქტიურებაში პირველ რიგში მმართველ გუნდს ადანაშაულებს ოპოზიცია.
გენდერული თანასწორობის მუდმივმოქმედი საპარლამენტო საბჭოს თავმჯდომარის, ნინო წილოსანის განცხადებით, ტელეკომპანია, რომ გრანტის მიზნობრიობის შესახებ არ საუბრობს, ეს კითხვის ნიშნებს აჩენს.
“ფაქტი, რომ ტელევიზია “მთავარი” მალავს ამ გრანტის მიზნობრიობას, მიგვანიშნებს იმაზე, რომ ალბათ რაღაც არის დასამალი. ჩვენი საზოგადოების დაკვეთა ნამდვილად არ არის აგიტაცია ლგბტ მიმართულებით, ამიტომ, ვფიქრობ, რომ ჩვენი პოლიტიკური პოზიციონირება და ინიციატივა სწორედაც, რომ შეესაბამება ქართველი ხალხისა უმრავლესობის ინტერესს”, – განაცხადა ნინო წილოსანმა.