“არასამთავრობოები რადიკალური ოპოზიცია და ელჩებიც კი ჩართული იყვნენ მოსამართლე ლაშა ჩხიკვაძის და სასამართლო სისტემის შეურაცხყოფაში”

ყველა იმ ადამიანმა, რომელიც ლაშა ჩხიკვაძეს შეურაცხყოფას აყენებდა, მას ბოდიში უნდა მოუხადოს, – ამის შესახებ პარტია „ხალხის ძალის“ თავმჯდომარემ, დეპუტატმა სოზარ სუბარმა განაცხადა.

მისი თქმით, არასამთავრობო სექტორი, რადიკალური ოპოზიცია და ელჩებიც კი ჩართული იყვნენ მოსამართლე ლაშა ჩხიკვაძის და სასამართლო სისტემის შეურაცხყოფაში, როდესაც სტრასბურგის ადამიანის უფლებათა სასამართლოს მიერ დადასტურდა, რომ ლაშა ჩხიკვაძის გადაწყვეტილება იყო კანონიერი.

„ადამიანის უფლებათა ევროპულმა სასამართლომ უკვე მერამდენედ გააწბილა ქართული რადიკალური ოპოზიცია, როცა პირდაპირ განაცხადა, რომ საქართველოს სასამართლოს გადაწყვეტილებები არის სამართლიანი და იქ რამე ნაკლის ძებნას აზრი არ აქვს. არასამთავრობო სექტორი, ქართული რადიკალური ოპოზიცია და ელჩებიც კი ჩართული იყვნენ მოსამართლე ლაშა ჩხიკვაძის და მთლიანად სასამართლო სისტემის შეურაცხყოფაში. როდესაც სტრასბურგის ადამიანის უფლებათა სასამართლოს მიერ დადასტურდა, რომ ლაშა ჩხიკვაძის გადაწყვეტილება იყო კანონიერი და სამართლიანი, ყველა ამ ადამიანმა ბოდიში უნდა მოუხადოს ლაშა ჩხიკვაძეს“, – განაცხადა სოზარ სუბარმა.

სასამართლო სისტემიდან მოსამართლეთა არაკეთილსინდისიერი გაძევებისაგან თავისუფლებით საქართველო მსოფლიოს საუკეთესო 50 ქვეყანას შორის 46-ე ადგილზე, ევროპის საუკეთესო ოცეულში მე-16 პოზიციაზე, პოსტსაბჭოთა სივრცეში კი მე-2 ადგილზეა.