საქართველოში ეჭვი აღარავის ეპარება, რომ უცხოური ფული ქართულ პოლიტიკაში მონაწილეობს, – ამის შესახებ პოლიტიკური პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.
მისი თქმით, არასამთავრობოების ნაწილის დაფინანსება იმიტომ არ არის გამჭვირვალე, რომ ეს ფული ქართულ პოლიტიკაში რადიკალურ პროცესებს ხმარდება.
„ერთი წლის წინ „ხალხის ძალამ“ სწორედ ამიტომ დავაინიცირეთ კანონპროექტი გამჭვირვალობის შესახებ, რომელიც ჩვენ არ მიგვაღებინეს, მაგრამ მიიღეს კანადაში, ევროპარლამენტში, საფრანგეთში. ეს გადმორიცხვები, რომელსაც მათ შორის პარლამენტის თავმჯდომარე ითხოვს, რომ გამჭვირვალე იყოს, რომ არ ხდება გამჭვირვალე, ზუსტად ამას ნიშნავს, რომ სამწუხაროდ ქართულ პოლიტიკაში რადიკალურ პროცესებს ხმარდება, მათ შორის ლგბტ პროპაგანდის სასარგებლოდ“, – განაცხადა მაჭარაშვილმა.
ქვეყანაში ლგბტ პროპაგანდის მხარდასაჭერად დიდი გრანტი შემოდის. ერთ-ერთი მედიის მიერ გავრცელებული ინფორმაციით, გრანტის მიმღები „მთავარი არხია“.