Reuters-ს სამი წყარო ეუბნება, რომ მოსკოვის მახლობლად საკონცერტო დარბაზში მომხდარი თავდასხმის წინ, ირანმა რუსეთს მიაწოდა ინფომრაიცა მის მიწაზე დიდი “ტერორისტული ოპერაციის” შესაძლებლობის შესახებ.
22 მარტს, “კროკუს სითი ჰოლში” თავდასხმის შედეგად, რომლის დროსაც შეიარაღებულმა პირბემა საკონცერტო დარბაზში ცეცხლი გახსნეს, სულ მცირე 144 ადამიანი დაიღუპა. მომხდარზე პასუხისმგებლობა “ისლამურმა სახელმწიფომ” აიღო.
შეერთებეულმა შტატებმა ასევე განაცხადა, რომ გააფრთხილეს რუსეთი სავარაუდო თავდასხმის შესახებ, მარგამ მოსკოვი დაზვერვის ამ ინფორმაციას ნაკლებად მნიშვნელოვნად მიიჩნევდა. გამოცემა წერს, რომ რუსეთისთვის უფრო რთული უნდა ყოფილიყო მისი მოკავშირის, ირანის დაზვერვის უარყოფა და ამან ასევე გააჩინა კითხვები რამდენად ეფექტურად მუშაობს რუსეთის უსაფრთხოების სამსახურები. უკრაინის ომის დროს მოსკოვმა და თეირანმა გააღრმავეს სამხედრო და სხვა ტიპის თანამშრომლობა.
“რუსეთში თავდასხმამდე რამდენიმე დღით ადრე თეირანმა მოსკოვს გაუზიარა ინფორმაცია რუსეთის შიგნით შესაძლო დიდი ტერაქტის შესახებ, რომელიც მოიპოვეს ირანში სასიკვდილო აფეთქებებთან დაკავშირებით დაკავებულთა დაკითხვის დროს”, – ამბობს Reuters-ის ერთ-ერთი წყარო.
ირანმა იანვარში 35 ადამიანი დააკავეს, მათ შორის “ისლამური სახელმწიფოს” ISIS-Khorasan-ის ფილიალის მეთაური, რომელიც, თეირანის ცნობით, დაკავშირებული იყო 3 იანვარს ქალაქ კერმანში მომხდარ ორ აფეთქებასთან, რომლის დროსაც დაახლოებით 100 ადამიანი დაიღუპა.
აშშ-ის დაზვერვის წყაროებმა განაცხადეს, რომ ISIS-K-მა განახორციელა როგორც 3 იანვრის თავდასხმები ირანში, ასევე 22 მარტის თავდასხმა მოსკოვში.