რუსეთის ქალაქ ეკატერინბურგში ძლიერი ხანძარია. ცეცხლი უმსხვილეს მანქანათმშენებელ საწარმოს უკიდია. მეხანძრეები ცეცხლის ლიკვიდაციას ჯერ ვერ ახერხებენ, რადგან ხანძარი ქარხნის თითქმის 5 ათას კვადრატულ მეტრზეა გავრცელებული. შედეგად, ჩაინგრა საწარმოს ერთ-ერთი შენობის სახურავი.
რუსეთის საგანგებო სიტუაციების სამსახური დაშავებულების შესახებ ცნობას არ ავრცელებს, ადგილობრივი მედია წერს, რომ 13-მა ადამიანმა მეხანძრეების მისვლამდე ევაკუაცია შეძლო. თვითმხილველების ცნობით, ხანძარი საღებავების საწყობში მომხდარ აფეთქებას მოჰყვა.
კომენტარები