ოპოზიციაში პიარშიკებმა თუ არ უთხრეს, ვერ ხვდებიან რა უნდა ქნან ხოლმე, თუნდაც პიარულად. ფეხბურთელებს და ფედერაციას რომ მადლობას უხდის პარლამენტის თავმჯდომარე და ამ დროს რომ არ წამოდგები, ამაზე დიდი ლუსტრაცია ცნობიერის, ქვეცნობიერის თუ არაცნობიერის არ არსებობს, – ამის შესახებ პარტია „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა მამუკა მდინარაძემ ჟურნალისტებთან განაცხადა.
მისი თქმით, რადიკალულრ ოპოზიციას ქვეყნის წარმატების არანაირი მიმართულება არ უხარია.
„ამათ ქვეყნის წარმატების არანაირი მიმართულება არ უხარიათ. გაგიკვირდებათ და მე მინდა „მესინა ჯგუფს“ და როზნერს, „ნაცების“ პიარშიკებს ძალიან დიდი მადლობა გადავუხადო იმ დღევანდელი სურათისთვის, რაც პარლამენტის დარბაზშია. რასთანაც ისინი ასოცირდებიან ეკრანის ჩარჩოში და რაკურსში უსწორებენ ერთმანეთს. უმუშევრობა, სიღარიბე და ა.შ. – ამასთან ასოცირდებიან სხვა გაცილებით დიდ უბედურებებთან ერთად და რასთანაც ასოცირდებიან, „მესინა ჯგუფმა“ და როზნერმა უზრუნველყვეს, რომ ზედვე დაეწერათ ამ ხალხისთვის. ისინი დღეს რომ განცხადებას აკეთებენ, ზედ აწერიათ, სხვა კიდევ უფრო დიდ უბედურებებთან ერთად, რასთანაც ასოცირდებიან. რომ გვენატრა ამას ვერ მოვიფიქრებდით პიარულად“, – აღნიშნა მდინარაძემ.