გავრცელებულ ინფორმაციას, რომ ხატია დეკანოიძე „ნაციონალურ მოძრაობაში“ ბრუნდება, თავად დეპუტატი არ ადასტურებს, თუმცა არ გამორიცხავს, რომ საარჩევნოდ მასთან იდეოლოგიურად თანხვედრაში მყოფ პოლიტიკურ ერთობაში შესვლა განიხილოს.
დეკანოიძე უარყოფს ინფორმაციას იმის შესახებაც, რომ მისი „ნაციონალურ მოძრაობაში“ დაბრუნების თაობაზე შეთანხმება „ნაცმოძრაობისა“ და „ლელოს“ პიარ-კონსულტანტებს, ჯერემი როზნერსა და „მესინა გრუპს“ შორის შედგა.
„არავის შევხვედრივარ. არ ვიცნობ არც ერთს და არც მეორეს. ეს არის არასწორი, ჭორი. გიდასტურებთ, რომ არის არასწორი ინფორმაცია. სხვადასხვა ადამიანებს ვესაუბრები, ვნახოთ. რა თქმა უნდა მედია იქნება პირველი, ვინც ამ ყველაფერს გაიგებს“, – განაცხადა დეკანოიძემ.
კომენტარები