“გირჩის” ლიდერის, ვახტანგ მეგრელიშვილის განცხადებით, როდესაც პრაიმერისის შესაბამისად ადგენდნენ პოლიტიკურ სიებს ეს სიები კანონმდებლობასთან თანხვედრაში აღარ მოდიოდა, იძულებულნი იყვნენ, სიაში ქალები შეეყვანათ. მისივე თქმით, “გირჩისთვის” ქალთა კვოტირების გაუქმება უფრო მნიშვნელოვანი საკითხია, ვიდრე – ცესკოს თავმჯდომარის დანიშვნა.
“როდესაც ჩვენი ამომრჩეველი, პრაიმერისის შესაბამისად, ადგენდა პოლიტიკოსების სიას, ეს პოლიტიკოსების სია უკვე კონფლიქტში იყო კანონის მოთხოვნებთან, ფაქტობრივად, ფეხებზე უნდა დაგვეკიდებინა “გირჩის” ამომრჩეველი და ვიღაც ქალები ჩაგვეწერა ამ ყველაფერში. აქედან გამომდინარე, ფაქტობრივად, ეს არის საქართველოში ადამიანებს შორის თანასწორუფლებიანობის აღდგენის მცდელობა. გარდა იმისა, რომ კარგ და სწორ საქმეს ვაკეთებთ გვინდოდა, რომ სწორი პრაქტიკაც გვეჩვენებინა და ეს გავაკეთეთ საჯაროდ, რომელიც იშვიათი შემთხვევაა, როდესაც რაიმე პოლიტიკური გარიგება ღიად გამოდის საჯარო სივრცეში და ყველასთვის ცნობილია რის სანაცვლოდ რას აკეთებ. ჩვენთვის ბევრად უფრო მნიშვნელოვანი კვოტებს გამო დისკრიმინაციის აღმოფხვრა საქართველოში, ვიდრე ცესკოს თავმჯდომარის დანიშვნა”, – განაცხადა ვახტანგ მეგრელიშვილმა.