ყველა ხედავს, რომ მიუხედავად იმისა, თუ რა გამოწვევები არსებობს დღეს რეგიონში, ჩვენ გარშემო ფაქტობრივად ცეცხლის რკალი არის, საქართველო არის მშვიდობისა და უსაფრთხოების ერთ-ერთი კუნძული. იმ პირობებში, როდესაც გვაქვს ორი ოკუპირებული რეგიონი, მაქსიმალური უსაფრთხოება არის უზრუნველყოფილი, – ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.
„შეგახსენებთ, რომ ორი წლის განმავლობაში, რაც რუსეთი უკრაინასთან ომს აწარმოებს, საქართველოში არ ყოფილა უსაფრთხოების სახით არა თუ რაიმე ინციდენტი, კონფლიქტებიც კი, მიუხედავად იმისა, რომ უკრაინელი ეროვნებისა და რუსული ეროვნების ადამიანები არიან ჩვენს ქვეყანაში. კონფლიქტებიც კი არ ყოფილა მათ შორის სწორედ იმიტომ, რომ ჩვენი უსაფრთხოების სისტემები და სამართალდამცავი სისტემები კარგად მუშაობენ. აღიკვეთა არაერთი მცდელობა. ბოლოს იყო ასაფეთქებელი ნივთიერების გატანა, საქართველოს მეშვეობით რუსეთში, რომელიც აღიკვეთა ჩვენი უსაფრთხოების სამსახურის მიერ“, – აღნიშნა პაპუაშვილმა.