“ნატოს თავდაცვის მინისტრები შეთანხმდნენ, გააძლიერონ და უზრუნველყონ შემდგომი სამხედრო მხარდაჭერა უკრაინისათვის”

ნატოს გენერალურმა მდივანმა, იენს სტოლტენბერგმა განაცხადა, რომ ნატოს თავდაცვის მინისტრები შეთანხმდნენ, გააძლიერონ და უზრუნველყონ შემდგომი სამხედრო მხარდაჭერა უკრაინისათვის, მათ შორის საჰაერო თავდაცვის სისტემების მიწოდება.

„ნატომ განსაზღვრა ალიანსის არსებული შესაძლებლობები და არის სისტემები, რომლებიც შეიძლება მიეწოდოს უკრაინას“, – აღნიშნა ნატოს გენერალურმა მდივანმა.

იენს სტოლტენბერგი მიესალმა გერმანიის ძალისხმევას, მათ შორის ბოლო გადაწყვეტილებას უკრაინისათვის Patriot-ის დამატებითი სისტემის მიწოდების შესახებ.

„და ბევრმა მოკავშირემ, რომლებსაც არ აქვთ ხელმისაწვდომი სისტემები, პირობა დადო, რომ უზრუნველყოფენ ფინანსურ დახმარებას ასეთი სისტემების შესაძენად“, – განაცხადა იენს სტოლტენბერგმა.