ინდოეთის პრემიერ-მინისტრი ნარენდრა მოდი ირანის პრეზიდენტის, იბრაჰიმ რაისის დაღუპვას ეხმაურება.
„დამწუხრებული და გაოგნებული ვარ ირანის ისლამური რესპუბლიკის პრეზიდენტის, იბრაჰიმ რაისის ტრაგიკული გარდაცვალების გამო. მისი წვლილი ინდოეთი-ირანის ურთიერთობების განმტკიცებაში ყოველთვის იქნება დამახსოვრებული. ჩემი გულწრფელი სამძიმარი მის ოჯახსა და ირანელ ხალხს. ამ მწუხარების დროს ინდოეთი ირანის გვერდით დგას“, – წერს ინდოეთის პრემიერი სოციალურ ქსელში.
ირანული მედია პრეზიდენტ იბრაჰიმ რაისისა და საგარეო საქმეთა მინისტრის, ჰოსეინ ამირ-აბდოლაჰიანის დაღუპვას ადასტურებს.
მედიის ინფორმაციით, ვერტმფრენში მყოფი ყველა პირი დაიღუპა. ვერტმფრენში, პრეზიდენტის გარდა, რვა პირი იმყოფებოდა, მათ შორის, ირანის საგარეო საქმეთა მინისტრი ჰოსეინ ამირ-აბდოლაჰიანი.
კომენტარები