ესტონეთის პრემიერ- მინისტრის, კაია კალასის განცხადებით, ნატოს არ უნდა შეეშინდეს უკრაინაში სამხედროების გადასამზადებლად ჯარების გაგზავნის, რადგან ეს ომში ჩართვას არ გამოიწვევს.
Financial Times-ისთვის მიცემულ ინტერვიუში, ესტონეთის პრემიერი ამბობს, რომ თუ ოკუპანტის იერიშების გამო, ნატოს პერსონალი დაზარალდება, ეს ავტომატურად ალიანსის წესდების მე-5 მუხლის ამოქმედებას არ გამოიწვევს.
„ვერ წარმოვიდგენთ, რომ თუ იქ [უკრაინაში] ვინმე დაშავდა, მაშინ ხალხი იტყვის: „მოდით მე-5 მუხლი ავამოქმედოთ. მოდით… დავმბომბოთ რუსეთი“. ეს ასე არ მუშაობს. ეს ავტომატურად არ ხდება. ამიტომ ეს შიშები კარგად არ არის დასაბუთებული“, – აცხადებს კალასი.
კალასი მიიჩნევს, რომ უკრაინელი სამხედროების მათსავე ტერიტორიაზე გადამზადება უფრო ეფექტიანი იქნება, ვიდრე სწავლებისთვის ჯარისკაცების სხვა ქვეყნებში გაგზავნა.