ავიაკატასტროფასთან დაკავშირებით პოლონეთის პრეზიდენტი დაღუპულთა ოჯახებს თანადგომას უცხადებს. ანჯეი დუდამ აღნიშნა, რომ 2010 წელს სმოლენსკში მომხდარი ავიაკატასტროფის შემდეგ პოლონელ ხალხს პოლიტიკური ლიდერის უეცარი გარდაცვალების შედეგად დატოვებული უდიდესი სიცარიელის ძალიან კარგად ესმის.
ირანის ისლამური რესპუბლიკის პრეზიდენტის გარდაცვალებასთან დაკავშირებით ევროკავშირის სახელით მწუხარება გამოთქვა ჯოზეფ ბორელმაც. საგარეო საქმეთა და უსაფრთხოების საკითხებში ევროკავშირის უმაღლესმა წარმომადგენელმა დაღუპულთა ოჯახებს მიუსამძიმრა.
ავიაკატასტროფის შედეგად დაღუპულთა ოჯახებს თანადგომა გამოუცხადა უნგრეთის პრემიერ-მინისტრმა, ვიქტორ ორბანმაც.
ვერტმფრენი, რომლის ბორტზეც ირანის პრეზიდენტის იბრაჰიმ რაისი და საგარეო საქმეთა მინისტრი ჰოსეინ ამირ აბდოლახიანი იმყოფებოდნენ 19 მაისს ჩამოვარდა, როცა ირანის დელეგაცია აზერბაიჯანიდან ბრუნდებოდა. ჩამოვარდნილი ვერტმფრენი 20 მაისის დილას აღმოაჩინეს. ბორტზე მყოფი ყველა ადამიანი დაიღუპა.