ფრანგმა სენატორმა, ანიეს კანაიემ, რომელიც უცხოური ჩარევის შესახებ კანონპროექტის მომხსენებელია, განაცხადა, რომ „დღეს ჩვენ მოკლებული ვართ უცხოურ ჩარევასთან ბრძოლის საშუალებებს, რომელიც მიზნად ისახავს ჩვენი დემოკრატიის დესტაბილიზაციას“. ინფორმაციას ამის შესახებ ფრანგული მედია ავრცელებს.
კანონპროექტი, რომელიც მიზნად ისახავს უცხოური ჩარევის წინააღმდეგ ბრძოლის საშუალებების გაძლიერებას, დღეს განიხილება საფრანგეთის სენატის მიერ.
სენატორმა განმარტა, რომ კანონპროექტი ითვალისწინებს ვალდებულებას ლობისტებისთვის, დარეგისტრირდნენ გავლენის ეროვნულ რეესტრში.
„ამ რეესტრს განახორციელებს საზოგადოებრივი ცხოვრების გამჭვირვალობის უმაღლესი ორგანო, რომელიც შეძლებს გააკონტროლოს, გაასაჯაროოს ინფორმაცია, რომ ესა თუ ის საქმიანობა ხორციელდება უცხო სახელმწიფოს სახელით“, – აღნიშნა ანიეს კანაიემ.