ჩვენ რამდენჯერაც გვქონდა საუბარი იმასთან დაკავშირებით, რომ ამ კანონთან [უცხოური გავლენის გამჭვირვალობის შესახებ] დაკავშირებით თუ ვინმეს გაქვთ საქმიანი, სამართლებრივი, კონსტრუქციულო მოსაზრება, მზად ვართ ამ საკითხთან დაკავშირებით დავსხდეთ და ვისაუბროთ, – განაცხადა საპარლამენტო უმრავლესობის წევრმა, ირაკლი ქადაგიშვილმა ენტონი ბლინკენის განცხადების შეფასებისას.
„ჩვენ ყველა მხრიდან ყრუ კედელს წავაწყდით. არავის არ სურს საქართველოსთან, როგორც სუვერენულ სახელმწიფოსთან საუბარი. აქედან გამომდინარე, რა თქმა უნდა, ან უნდა ვთქვათ, რომ ვართ ნეოკოლონიალური მმართველობის ამღიარებელი სახელმწიფო, ან უნდა ვთქვათ, რომ ვართ სუვერენული სახელმწიფო, რომელსაც აქვს უფლება მიიღოს ისეთი კანონი, რომელსაც ლამის ნახევარი მსოფლიო იღებს და ყველა ამ კანონთან შედარებით ჩვენი კანონი ყველაზე უფრო ლიბერალური და ჰუმანურია“, – აღნიშნა ქადაგიშვილმა.