ჩვენ ვერ ვიქნებით მეორეხარისხოვანი სახელმწიფო – არ ვართ კოლონია, რომ ის, რაც მისაღებია ჩვენი მეგობარი ქვეყნებისთვის, მიუღებელი იყოს საქართველოსთვის, – ამის შესახებ „ხალხის ძალის“ თავმჯდომარემ, დეპუტატმა სოზარ სუბარმა ჟურნალისტებს პარლამენტში განუცხადა.
იგი გამჭვირვალობის კანონთან დაკავშირებით, აშშ-ის სახელმწიფო მდივნის, ენტონი ბლინკენის განცხადებას გამოეხმაურა.
„დამოუკიდებლობისთვის ჩვენ იმისთვის არ გვიბრძოლია, რომ ერთი კრემლი სხვა კრემლებით ჩაგვენაცვლებინა. მივიღებთ იმ კანონებს, რომლებიც საქართველოსთვის არის საჭირო და რომლის მსგავს კანონებს იღებენ დღეს ჩვენი დასავლელი პარტნიორები, ხოლო ძალიან ბევრ ქვეყანას დიდი ხნის წინ აქვს მიღებული. მაგალითად, აშშ-ში მსგავსი კანონი, ოღონდ გაცილებით მკაცრი, მოქმედებს უკვე, თითქმის 80 წელია.
ჩვენ ვერ ვიქნებით მეორეხარისხოვანი სახელმწიფო. არ ვართ კოლონია, რომ ის, რაც მისაღებია ჩვენი მეგობარი ქვეყნებისთვის, მიუღებელი იყოს საქართველოსთვის“, – განაცხადა სუბარმა.