დღეს, როდესაც გამჭვირვალობის კანონი მიღებულია და ვეტოც დაძლეულია, მათ მეტი არაფერი დარჩათ. ყველა კარტი მაგიდაზე გადმოალაგეს და ყველანაირად ცდილობენ, როგორმე დააშინონ თუ დააბულინგონ ადამიანები, – ამის შესახებ „ხალხის ძალის“ წევრმა, დეპუტატმა დავით კაჭარავამ „დღის ქრონიკაში“ განაცხადა.
მან სიძულვილის კამპანიასა და საზოგადოებაში არსებულ დაპირისპირების ფაქტებზე ისაუბრა. მისივე განმარტებით, რაც ახლა ხდება საზოგადოებაში, ეს წინა ხელისუფლებისთვის დამახასიათებელი ხელწერაა.
„დღეს, როდესაც გამჭვირვალობის კანონი მიღებულია და ვეტოც დაძლეულია, მათ მეტი არაფერი დარჩათ. ყველა კარტი მაგიდაზე გადმოალაგეს და ყველანაირად ცდილობენ, როგორმე დააშინონ თუ დააბულინგონ ადამიანები. თუმცა, ერთ რამეში ძალიან ცდებიან. ჩვენი გუნდი დარწმუნებულია, ჩვენ მიერ გადადგმულ ნაბიჯში. ჩვენ მხარეს არის სიმართლე. პერსონალურად მეც და უმრავლესობა ადამიანების, რომელიც ჩვენ მხარს გვიჭერს, იმ საქციელით, რომელსაც ჩადიან – ბულინგი, სიბინძურე, შეურაცხყოფა, პირიქით გვაძლიერებენ და ნებისმიერ შემთხვევაში ეს მათთვის კონტრპროდუქტიულია.
როდესაც შენ არ შედიხარ კანონის განხილვაში, არამედ გადადიხარ აგრესიაში, ნებისმიერ შემთხვევაში აგრესია წამგებიანია. აქედან გამომდინარე, სიმართლე ჩვენს მხარესაა, დისკუსიაში შემოსვლა მათ არ უნდათ და ამ დისკუსიაში არ შემოვიდნენ. ანუ, ეს მთლიანი ჯაჭვი, რომელიც მათ დაგეგმილი ჰქონდათ, ძალიან სააშკარაოდ გამოვლინდა“, – განაცხადა კაჭარავამ.