“არავის მივცემ უფლებას, შელახოს თქვენი ღირსება და პატივი, გწამდეთ, რომ ყველგან და ყოველთვის ვიქნები თქვენი ღირსების დამცველი”

მინდა, მოგმართოთ, თითოეულმა თქვენგანმა იცოდეთ, რომ არავის მივცემ უფლებას, შელახოს თქვენი ღირსება და პატივი. გწამდეთ, რომ ყველგან და ყოველთვის ვიქნები თქვენი ღირსების დამცველი, – ასე მიმართა საქართველოს შინაგან საქმეთა მინისტრმა, ვახტანგ გომელაურმა პოლიციელებს პოლიციელის დღისადმი მიძღვნილი საზეიმო ღონისძიებაზე სიტყვით გამოსვლისას.

გომელაურის თქმით, პოლიციელობა ქვეყნისა და მოქალაქეების განსაკუთრებულ სიყვარულს მოითხოვს.

„ყველას არ შეუძლია, იყოს პოლიციელი, ეს პროფესია ქვეყნისა და მოქალაქეების განსაკუთრებულ სიყვარულს, საჭიროების შემთხვევაში, სამშობლოსთვის თავგანწირვას, სიმამაცეს და სიმტკიცეს მოითხოვს. გახსოვდეთ, ჩვენ უნდა ვიყოთ ძლიერები, რომ ქვეყანა იყოს ძლიერი და თავისუფალი “, – განაცხადა ვახტანგ გომელაურმა.