ისლანდიის საპრეზიდენტო არჩევნებში ბიზნესმენი ჰალა თომასდოტირი იმარჯვებს. ამის შესახებ Nordic News-ი იტყობინება.
ბოლო მონაცემებით, 55 წლის ჰალა თომასდოტირი ხმათა 31,5%-ს აგროვებს, მისი მთავარი კონკურენტი, ყოფილი პრემიერი კატრინ იაკობსდოტირი კი – 25,9%-ს.
იაკობსდოტირმა უკვე მიულოცა თომასდოტირს საპრეზიდენტო არჩევნებში გამარჯვება და განაცხადა, რომ ჰალა თომასდოტირი კარგი პრეზიდენტი იქნება.
ისლანდიის საპრეზიდენტო არჩევნებში გამარჯვებისთვის ხმათა შეფარდებითი უმრავლესობის მიღებაა საჭირო. ისლანდიაში პრეზიდენტს 4 წლით ირჩევენ, თანამდებობა დიდწილად ცერემონიულია, თუმცა პრეზიდენტს მთავრობის წევრების დანიშვნა და გათავისუფლება, ასევე პატიმრების შეწყალება შეუძლია.
კომენტარები