ხელისუფლების წყარო არის ხალხი და შესაბამისად, ხალხი იღებს გადაწყვეტილებას რომელ პოლიტიკურ პარტიას, რომელ ხელისუფლებას დაუჭერს მხარს. რადგანაც ხელისუფლების წყარო ხალხია, ხალხისა პასუხისმგებლობაცაა, რომ სწორად გაიაზროს რასთან გვაქვს საქმე, რა არის საპირწონე, – ამის შესახებ საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარემ არჩილ გორდულაძემ „უცხოური გავლენის გამჭვირვალობის შესახებ“ კანონზე საუბრისას „დღის ქრონიკაში“ განაცხადა.
„ერთი მხრივ ჩვენ გვაქვს სუვერენიტეტის გაძლიერება, ელემენტარული თანხების გამჭვირვალობა, მეორე მხრივ კი გვაქვს დესტრუქცია, ის ფსევდო-ლიბერალურიფაშიზმის სახელით მიმდინარე მოქმედებები. შარშან მოცემულობა გვქონდა აბსოლუტურად განსხვავებული, გაცილებით ცოტა ადამიანი იყო გათვითცნობიერებული ამ საკითხებში. ერთი წლის განმავლობაში ძალიან ბევრი ინფორმაცია მიიღო ხალხმა, შესაბამისად, ან ინფორმაციით შეიარაღდა და ინფორმაციით შეიარაღებული ხალხი მარტივად იღებს გადაწყვეტილებას. მათთვის უფრო მარტივია, შეხედოს რა არის რეალობა.
მას შემდეგ, როდესაც ადამიანები გაიაზრებენ, რასთან გვაქვს საქმე გამჭვირვალობის კანონი დეპოლარიზაციასაც შეუწყობს ხელს. რადგან, დონორები ანგარიშვალდებული არიან თავიანთ ხალხთან, იქნება ეს ევროკავშირის ქვეყნების ამომრჩევლები თუ აშშ-ს მოსახლეობა, რადგან ის ხალხიც გაიგებს, რეალურად რაში იხარჯება მათი გადასახადებში გადახდილი თანხები“, – აღნიშნა არჩილ გორდულაძემ.