ისრაელის თავდაცვის ძალებმა „ჰამასის“ მიერ 7 ოქტომბერს გატაცებული კიდევ 4 მძევლის დაღუპვა დაადასტურეს. ისრაელის არმიაში აცხადებენ, რომ 51, 79, 80 და 85 წლის მძევლები ისრაელის მიერ ჩატარებული ოპერაციის დროს ღაზის სექტორის სამხრეთ ნაწილში, ხან იუნისში დაიღუპნენ და მათი ცხედრები კვლავ „ჰამასის“ მებრძოლების ხელშია.
„სამძიმარს ვუცხადებთ 4 მძევლის ოჯახებსა და ახლობლებს. მათ დაღუპვა უკვე დადასტურდა, ცხედრები კი ამ დრომდე „ჰამასის“ ხელშია. ჩვენი შეფასებით, ოთხივე მათგანი ხან იუნისში, რამდენიმე თვის წინ „ჰამასის“ წინააღმდეგ ჩვენი ოპერაციის დროს დაიღუპა. ჩვენ დეტალურად ვეცნობით სიტუაციას და მათი გარდაცვალების გარემოებებს“, – აღნიშნა თავდაცვის ძალების სპიკერმა დანიელ ჰაგარმა.
კომენტარები