საყოველთაო-სახალხო განხილვები რეგიონებში, სადაც მოსახლეობის სრული მხარდაჭერა ვიგრძენით, – განაცხადა „ოჯახური ღირებულებებისა და არასრულწლოვანთა დაცვის შესახებ“ კანონების პაკეტის შესახებ საპარლამენტო უმრავლესობის წევრმა ლევან მაჭავარიანმა.
„წინა თვეების განმავლობაში ჩვენ გავმართეთ საყოველთაო-სახალხო განხილვები რეგიონებში, სადაც მოსახლეობის სრული მხარდაჭერა ვიგრძენით, არა მხოლოდ ჩვენი ამომრჩევლის, არამედ ოპოზიციის ამომრჩეველიც თავიდან ბოლომდე უჭერს მხარს ამ ინიციატივას. ეს კანონპროექტი, რომელიც ახლა დაინიცირდა, პირველი მოსმენით პრინციპების დონეზე იქნება მიღებული და ოპოზიციას საშუალება ექნება, რომ შემოვიდეს დისკუსიაში. ხოლო სექტემბრის თვეში მოხდება ამ კანონპროექტის მეორე და მესამე მოსმენით მიღება“, – განაცხადა ლევან მაჭავარიანმა.
კომენტარები