საზოგადოებისთვის ამ ინფორმაციის მიწოდება ასე დამახინჯებულად, რომ თითქოს, მთელი ნატო ვალდებულია, რომ ნებისმიერ შემთხვევაში ნატოს წევრს აღმოუჩინოს სამხედრო დახმარება, არის არასწორი, – განაცხადა საქართველოს პარლამენტის პირველმა ვიცე-სპიკერმა გიორგი ვოლსკიმ ნატოს წესდების მეხუთე მუხლის შესახებ.
„ყველა ქვეყანა თავისით წყვეტს, შემოვიდეს თუ არა სამხედრო რესურსით ამ სამხედრო დაპირისპირებაში, რომელიც შეიძლება, მოხდეს ერთი წევრი ქვეყნის მიმართ. საქართველოს ნატოს წევრობაზე, ჯერჯერობით, საშუალო პერსპექტივაზე შეიძლება, ვილაპარაკოთ, მაგრამ თვითონ ფაქტი ამ ფეიკისა, რა საკვირველია, დამაფიქრებელია. რატომ სჭირდებოდა „ნაცმოძრაობას“ სწორედ ასეთი შინაარსით მიეწოდებინა ეს მეხუთე მუხლი საზოგადოებისთვის. ჩვენ ყველაფერს ვაკეთებთ იმისათვის, რათა ომში არ ჩავერთოთ“, – განაცხადა გიორგი ვოლსკიმ.