თბილისში მშრალი ხიდის და მიმდებარე ტერიტორიის რეაბილიტაციისთვის მიმდინარე წელს რამდენიმე მილიონი ლარი დაიხარჯება. პროექტს თბილისის განვითარების ფონდი განახორციელებს. ინფორმაციას “businesscontract.ge” ავრცელებს.
როგორც ფონდის ხელმძღვანელი გამოცემასთან საუბრისას აცხადებს, პროექტზე მუშაობა დასრულებულია და ამ ეტაპზე დეტალები ზუსტდება. გიორგი ბაიდარაშვილის თქმით, სავაჭრო ზონების მოწესრიგებისთვის ხარჯებს ფონდი და თბილისის მერია გაიღებენ. ის ამბობს, რომ მშრალ ხიდზე არსებული გამოფენა-გაყიდვა ადგილზე დარჩება და ტერიტორია ტურისტებისთვის უფრო მიმზიდველი გახდება.
გარდა ამისა, მიმდინარე წელს თბილისის განვითარების ფონდი ორბელიანის მოედნისა და მიმდებარე ქუჩების რეაბილიტაციისაც იწყებს. პროექტზე 30 მილიონამდე დაიხარჯება. კაპიტალურად შეკეთდება შენობები, მოწესრიგდება მიწისქვეშა კომუნიკაციები და მოეწყობა ავტოსადგომი. აღნიშნულ ტერიტორიაზე 300-მდე ოჯახი ცხოვრობს დად 70-80-მდე ბიზნესსუბიექტი საქმიანობს.