რატომ მალავენ ლაშა ჭიღლაძე და მისი ადვოკატი ლაშა ტყეშელაძე მეორე მუხლს, რომელიც ტერორიზმის მომზადებას ეხება და რატომ ცდილობენ საზოგადოების შეცდომაში შეყვანას.
სასამართლოში გუშინ გამოკითხული ლაშა ჭიღლაძის ადვოკატი, ლაშა ტყეშელაძე, ქრონიკის სატელეფონო ზარებს არ პასუხობს.
გუშინ ის აცხადებდა, რომ გამოძიება მხოლოდ ერთი, შეთქმულების მუხლით მიმდინარეობდა, თუმცა მას შემდეგ, რაც „ქრონიკამ“ გაარკვია, რომ სახელმწიფო უსაფრთხოების სამსახურში გამოძიება ორი მუხლით, ტერორიზმისა და შეთქმულების მუხლებით მიმდინარეობს, ლაშა ტყეშელაძემ სატელეფონო ზარებს აღარ უპასუხა.ერთი მუხლის ნარატივს ავითარებდა ოპოზიციური მედიაც. ცნობილია, რომ გამოკითხვაზე დაბარებულია ვაჟა ცეცაძე. ის სოციალურ ქსელში აქტიურად დებს პოსტებს და ისიც მხოლოდ ერთ, 315-ე მუხლზე აპელირებს.
„იმედინიუსისთვის“ ცნობილი გახდა, რომ ლაშა ჭიღლაძის საქმეზე გამოძიება სისხლის სამართლის კოდექსის ორი მუხლით მიმდინარეობს. მათგან ერთ-ერთია 315-ე მუხლი, რომელიც შეთქმულებას გულისხმობს, ხოლო მეორე მუხლის შესახებ ინფორმაციის მოპოვებას ამ დრომდე ვცდილობთ. ლაშა ჭიღლაძე საქალაქო სასამართლოში მაგისტრატი მოსამართლის წინაშე გუშინ გამოიკითხა.