“პატიმრობაში მყოფ ადამიანს წინასწარ პატიმრობას რომ უსჯიან სრული სისულელეა, მიხეილ სააკაშვილის ეშინიათ”

თვითონ შინაარსი, რომ პატიმრობაში მყოფ ადამიანს წინასწარ პატიმრობას უსჯიან, სრული სისულელე და აბსურდია, – ამის შესახებ „სტრატეგია აღმაშენებლის” თავმჯდომარემ და პოლიტიკური პლატფორმა „ერთიანობის” წარმომადგენელმა გიორგი ვაშაძემ განაცხადა, რითაც გამოეხმაურა სახელმწიფო საზღვრის უკანონო კვეთაზე მიხეილ სააკაშვილისთვის პატიმრობის შეფარდებას.

„საკითხი არის ასე – რატომ აკეთებენ ამას? იმიტომ, რომ ეშინიათ მიხეილ სააკაშვილის“, – აღნიშნა ვაშაძემ.

მიხეილ სააკაშვილს საზღვრის უკანონო კვეთის საქმესთან დაკავშირებით, სასამართლომ აღკვეთის ღონისძიების სახით პატიმრობა 2 აგვისტოს შეუფარდა.