თბილისში უბედური შემთხვევა მოხდა. ტრაგედია საბურთალოზე დატრიალდა. „კვირას“ ინფორმაციით, 9 წლის მარიამი საკუთარი კორპუსის ლიფტის შახტაში ჩავარდა და დაიღუპა. მარიამი ოჯახის ყველაზე პატარა წევრი იყო.
„ულამაზესი, პატარა მარიამი, ანგელოზი, უფალმა თავისთან წაიყვანა. ალესილი გონება და მახვილი ენა ჰქონდა არასოდეს დამავიწყდება ის საოცრად ლამაზი დღე, როცა მარიამი გავიცანი. უმანკო, ბავშვური სახე, თვალწინ მიდგას. დედას როგორ თანავუგრძნო ეს ტკივილი, რით ვანუგეშოთ? მთელი გულით გვინდა, მხარში ამოვუდგეთ და ვანუგეშოთ მგლოვიარე დედა, ცა და ქვეყანა ჩამოიქცა ჩემთვის, როდესაც მარიამის შემზარავი ამბავი გავიგე. ღმერთმა გაანათლოს შენი სული, მარიამ ცათა სასუფეველში“, – იხსენებს მოზარდს გარდაცვლილის დედის მეგობარი.
როგორც შს სამინისტროში განმარტავენ მომხდარ ფაქტთან დაკავშირებით გამოძიება სსკ-ის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.