თქვენ ინფორმირებული ხართ ე.წ. 9 ნაბიჯის შესახებ. პირველი ნაბიჯი სწორედ ანტიდასავლური და ანტიევროპული პროპაგანდის შეწყვეტა იყო. სამწუხაროდ, ეს არ შეწყდა და პროპაგანდა გრძელდება, – განაცხადა საქართველოში ევროკავშირის ელჩმა პაველ ჰერჩინსკიმ ჟურნალისტებთან.
„მრავალი თვეა, მიმდინარეობს სიძულვილის კამპანია დასავლეთის, მათ შორის ევროკავშირის მიმართ. თქვენ ინფორმირებული ხართ ე.წ. 9 ნაბიჯის შესახებ – ეს არის ჩვენი თხოვნები საქართველოს მთავრობის მიმართ. პირველი ნაბიჯი სწორედ ანტიდასავლური და ანტიევროპული პროპაგანდის შეწყვეტა იყო. სამწუხაროდ, ეს არ შეწყდა და პროპაგანდა გრძელდება. თუმცა, ჩვენ ევროკავშირი ვინარჩუნებთ მაღალ მორალურ პოზიციას. არ აქვს მნიშვნელობა, რამდენჯერ გაიმეორებთ სიცრუეს. ჩვენ ვიცით, რომ ვდგავართ მშვიდობის, სტაბილურობის, განვითარების მხარეს“, – განაცხადა ელჩმა.