“26 ოქტომბერს დადასტურდა რომ ესენი ერთი ძალაა”

ბოლო ამოცანა ჰქონდათ, რომ კოლექტიური „ნაცმოძრაობის“ ეს ოთხი ფრთა პარლამენტში რაღაც რაოდენობით უნდა ყოფილიყო წარმოდგენილი, – განაცხადა ფრაქცია „ქართული ოცნების“ თავმჯდომარის მოადგილე ირაკლი კირცხალიამ. მისი თქმით, ამისთვის ყველაფერი გაკეთდა და შედეგიც სახეზეა.

„კიდევ ერთხელ, 26 ოქტომბერს დადასტურდა, რომ ესენი ერთი ძალაა – კოლექტიური „ნაცმოძრაობა“, ერთი ქოლგის და ფრთის ქვეშ როგორც შიგნით, ისე გარეთ თავიანთი ლობისტებისთვის. ბოლო ამოცანა ჰქონდათ, რომ კოლექტიური „ნაცმოძრაობის“ ეს ოთხი ფრთა პარლამენტში რაღაც რაოდენობით უნდა ყოფილიყო წარმოდგენილი, ყველაფერი გააკეთეს ამისთვის და ეს შედეგიც მიიღეს. როგორც პარაზიტირებდნენ, ახლაც ისე 20-30 კაცით პარაზიტირებენ საცობებში, რომ კიდევ უფრო მეტი დისკომფორტი შეუქმნან საზოგადოებას, მაგრამ დამერწმუნეთ, ეს ძალიან მალე დასრულდება“, – განაცხადა კირცხალიამ.