რა თქმა უნდა, თვალნათელია, რომ მათი პროტესტი ყალბია, ისევე როგორც ყალბია მიზნობრიობა, რასაც ეს პროტესტი ატარებს, – ასე ეხმაურება პარლამენტის ვიცე-სპიკერი ნინო წილოსანი ოპოზიციის მიერ გამართულ აქციას.
„ყველაფერი კეთდება ამ დღეებში ევროპის საგარეო საქმეთა მინისტრების შეხვედრისთვის,ს დაც მათ უნდათ რომ დადგან სურათი, პიარულად გაბრენდილი ფოტო-ვიდეო მასალა, რაც მისცემთ მათ ევროპელ მხარდაჭერებს და პატრონებს საფუძველს, რომ საქართველოსთან დაკავშირებით კიდევ არაერთი უსამართლო განცხადება გააკეთონ“, – აცხადებს წილოსანი.
„ნაციონალურის მოძრაობისა“ და „კოალიცია ცვლილებებისთვის“ ლიდერებმა გუშინ 24-საათიანი აქცია დააანონსეს. ზოგიერთმა მათგანმა აქციის მონაწილეებთან ერთად, ღამე თბილისის სახელმწიფო უნივერსიტეტის პირველი კორპუსის მიმდებარედ გაშლილ კარვებში გაათენეს.
პროტესტის მონაწილეებმა კარვებით და სამარშრუტო ტაქსებით ჭავჭავაძის გამზირი ჩახერგეს, რის გამოც ვაკე ამ დრომდე პარალიზებულია.