ევროპარლამენტის დღევანდელი რეზოლუცია არის სიმბოლური, მას არანაირი ძალა არ აქვს, – განაცხადა გადაცემაში „იმედი LIVE“ გიორგი გამსახურდიამ. მან ამ კომენტარით საქართველოსთან დაკავშირებით ევროპარლამენტის დღევანდელი რეზოლუცია შეაფასა.
„რომ გამოდებს „მთავარი“ არხი ან „ტვ პირველი“ სისულელეს და იძახიან, რომ ხვალ ან ზეგ ვიზებს შეგვიჩერებენ, ეს ასე არ არის ხალხო. ამას თავისი წესები აქვს, ამას თავისი გასაჩივრების ვადები აქვს და დროში განგრძობადი პროცესია. ეს არ არის „ნაციონალური მოძრაობის“ უკანა ეზო, ეს არის ინსტიტუციები“, – აღნიშნა გიორგი გამსახურდიამ.
ევროპარლამენტმა დაამტკიცა ხუთი ჯგუფის მიერ წარდგენილი არასავალდებულო რეზოლუცია საქართველოს შესახებ. დოკუმენტს მხარი დაუჭირა 444-მა ევროპარლამენტარმა, 72-მა წინააღმდეგ მისცა ხმა, 82-მა კი თავი შეიკავა. დოკუმენტის სახელწოდებაა „საქართველოს გაუარესებული დემოკრატიული კრიზისი ბოლო საპარლამენტო არჩევნებისა და არჩევნების სავარაუდო გაყალბების შემდეგ“.