უკრაინა რუსეთს მშვიდობის მეორე სამიტზე დაპატიჟებს, – განაცხადა უკრაინის პრეზიდენტმა ვოლოდიმირ ზელენსკიმ იაპონურ სააგენტო “კიოდოსთან” ინტერვიუს დროს.
როგორც ზელენსკიმ აღნიშნა, უკრაინულმა მხარემ უკვე მოამზადა დეტალური დოკუმენტი, რომელიც “მშვიდობის ფორმულის” ძირითად პუნქტებს ეყრდნობა. მას სხვა ქვეყნებსაც წარუდგნენ, რათა მათ შეისწავლონ და საკუთარი აზრი გამოთქვან.
“და მხოლოდ დოკუმენტის დამუშავებისა, მასზე ქვეყნების რეაქციის შემდეგ, ვფიქრობ, ჩვენ ვიქნებით მზად შემდგომი ნაბიჯებისთვის. ჩვენ საკუთარ პოზიციაზე უარს არ ვამბობთ. ბევრ ლიდერებს სურდა, რომ რუსეთი მეორე სამიტზე ყოფილიყო. ჩვენ მათ დავპატიჟებთ”, – ციტირებს “კიოდო” ზელენსკის.
ამასთან ერთად, ზელენსკიმ აღნიშნა, რომ მოსკოვი ყველაფერს გააკეთებს, რათა სამიტი ჩაშალოს და “მშვიდობის ფორმულა” ეჭვქვეშ დააყენოს.
ცნობისთვის, მშვიდობის პირველი სამიტი ამა წლის ივნისში ჩატარდა. მშვიდობის მეორე სამიტის ჩატარების ადგილი და დრო ჯერჯერობით უცნობია.