„იმედი“ ცდილობდა, დაჰკავშირებოდა ბავშვთა უფლებებზე მომუშავე საერთაშორისო ორგანიზაციას – UNICEF საპროტესტო აქციებში ბავშვების ჩართვის საკითხზე ორგანიზაციის პოზიციის გასარკვევად. თუმცა, ორგანიზაციაში ტელეფონს არ პასუხობენ.
„იმედმა“ UNICEF-ს ტელეეთერის საშუალებითაც მიმართა და შესთავაზა ინტერვიუს ჩაწერა იმის თაობაზე, როგორ უნდა მოხდეს ბავშვების უფლებების დაცვა აღნიშნულ ვითარებაში.
განათლების სამინისტრომ გაავრცელა განცხადება, სადაც აღნიშნულია, რომ „მიუღებელია კონკრეტული პირების მიერ სასწავლო პროცესის ჩაშლის მიზანმიმართული მცდელობა, ისევე, როგორც ბავშვების ჩართვა პოლიტიკურ პროცესებში“.
აღნიშნულ თემაზე საკუთარი პოზიცია დააფიქსირა სახალხო დამცველმაც, რომელმაც მოუწოდა საპროტესტო აქციაზე მყოფი არასრულწლოვანების მშობლებსა და კანონიერ წარმომადგენლებს, სასწრაფოდ მოარიდონ ბაშვები საპოლიციო ოპერაციის განხორციელების არეალს.
შსს-მ განაცხადა, რომ აქციაზე მყოფი ბავშვები არიან ძალადობრივ გარემოში, არსებობს დაშავების რისკი. უწყებამ მოუწოდა მშობლებს, ძალადობრივ გარემოს მოარიდონ არასრულწლოვანები.