ნიდერლანდების საგარეო საქმეთა მინისტრმა კასპარ ველდკამპმა სოციალურ ქსელ X-ში დაწერა, რომ მისი ქვეყანა უკრაინას ჰაერსაწინააღმდეგო სისტემისა და კიბერუსაფრთხოებისთვის 22 მილიონ ევროს გამოუყოფს.
„ნიდერლანდები ნატოს მეშვეობით დამატებით 22 მილიონ ევროს გამოყოფს პროექტებისთვის, რომელიც უკრაინის ჰაერსაწინააღმდეგო თავდაცვას და კიბერუსაფრთხოებას მოხმარდება“, – დაწერა მან.
ველდკამპის თქმით, რუსეთის სამხედრო ძალების გაძლიერება, სხვადასხვა ქვეყნების საჰაერო სივრცეში შეჭრა და დივერსიები პირდაპირ საფრთხეს უქმნის ნატოს.
„ჩვენ აგრეთვე მესამე ქვეყნებიც უნდა გვაშფოთებდნენ, რომლებიც რუსეთის სამხედრო მანქანას ხელს უწყობენ. ეს ნატოსა და მისი მოკავშირეების მხრიდან უფრო მკაცრ და კოორდინირებულ პასუხს მოითხოვს. პირველ ყოვლისა, ჩვენ უკრაინის მხარდაჭერის კურსი უნდა გავაგრძელოთ. ამას ალტერნატივა არ აქვს“, – დასძინა ნიდერლანდების პირველმა დიპლომატმა.