გიორგი კვირიკაშვილი – ის ყოველთვის დარჩება ჩვენს გვერდით

ძალიან გული მტკივა, რომ ასე ადრე, ძალიან მოულოდნელად მოხდა მისი წასვლა ამ ქვეყნიდან, – ამის შესახებ საქართველოს პრემიერ-მინისტრმა გიორგი კვირიკაშვილმა კოტე მარჯანიშვილის სახელობის თეატრში განაცხადა, სადაც მსახიობ გივი ბერიკაშვილის სამოქალაქო პანაშვიდი მიმდინარეობს.
მთავრობის მეთაური მარჯანიშვილის თეატრში მეუღლესთან ერთად მივიდა და გივი ბერიკაშვილის ოჯახს მიუსამძიმრა.
პრემიერის განცხადებით, გივი ბერიკაშვილი იყო ჭეშმარიტად სახალხო არტისტი და ჭეშმარიტად მაგალითის მიმცემი მოქალაქე ძალიან ბევრი ადამიანისთვის.
„ძალიან გული მტკივა, რომ ასე ადრე, ძალიან მოულოდნელად მოხდა მისი წასვლა ამ ქვეყნიდან. ის ყოველთვის დარჩება ჩვენს გვერდით იმიტომ, რომ მთელი ჩვენი ცხოვრების ძალიან ბევრი სასიხარულო, დადებითი მომენტი არის ასოცირებული ამ ადამიანთან. გული ძალიან მტკივა და ვგლოვობ ყველა იმ ადამიანთან ერთად, რომლებსაც ძალიან დააკლდება გივი ბერიკაშვილი“, – განაცხადა გიორგი კვირიკაშვილმა