ევროკავშირი მოლაპარაკებებს აწარმოებს აშშ-თან „გაზპრომბანკის“ წინააღმდეგ სანქციების შერბილების მიზნით. ინფორმაციას ამის შესახებ სააგენტო Bloomberg-ი ავრცელებს.
როგორც სააგენტო Bloomberg-ი აღნიშნავს, ევროკავშირი ზეწოლას ახორციელებს აშშ-ზე, რათა ვაშინგტონმა რუსული „გაზპრომბანკის“ მიმართ სანქციების შერბილების გზები შეისწავლოს, ვინაიდან რუსული ფინანსური ინსტიტუტი მთავარ როლს თამაშობს ევროკავსირში რუსული ბუნებრივი აირის მიწოდების უზრუნველყოფაში.
დისკუსიები გრძელდება მას შემდეგაც, რაც რუსეთის პრეზიდენტმა, ვლადიმირ პუტინმა უარი თქვა მოთხოვნაზე, რომ უცხოელმა მყიდველებმა რუსული გაზის ყიდვისას მხოლოდ აღნიშნული ბანკი გამოიყენონ.
როგორც წყაროები აცხადებენ, ევროკავშირი და აშშ განიხილავენ შემარბილებელი ღონისძიებების ტიპსა და მასშტაბს მას შემდეგ, რაც ევროპის ზოგიერთი მთავრობა და კომპანია გააფრთხილებით გამოვიდა, რომ სანქციები საფრთხეს შეუქმნის მიწოდების უსაფრთხოებას.
განიხილება ისეთი ვარიანტები, როგორიცაა გადახდების ლეგალურად განხორციელება „გაზპრომბანკის“ ლუქსემბურგში დაფუძნებული შვილობილი კომპანიის მეშვეობით, ან გადახდის სხვა არხების გამოყენება.