სირიის ამბოხებულმა ოპოზიციურმა ძალებმა ქვეყნის სამხრეთით ქალაქი დარა დაიკავეს.
გავრცელებული ინფორმაციით, ამბოხებულებმა სამთავრობო ძალებთან შეთანხმებას მიაღწიეს და სირიის სამთავრობო არმიის ნაწილები ქალაქიდან გავიდნენ.
ამბოხებულები აცხადებენ, რომ უსაფრთხოებისა და არმიის მაღალჩინოსნებს, რომლებიც ქალაქში მსახურობენ, დამასკოში წასასვლელად უსაფრთხო დერეფანი მიეცათ. ამბოხებულები, ქალაქთან ერთად, უკვე აკონტროლებენ დარას რეგიონის უმეტეს ნაწილს. დარას რეგიონი იორდანიას ესაზღვრება.
სირიის პრეზიდენტის, ბაშარ ასადის მოკავშირე რუსეთის შუამავლობით დადებული ზავის მიუხედავად, ბოლო წლებში დარას რეგიონში ხშირი იყო არეულობა, თავდასხმები, შეტაკებები. დარას 2011 წელს დაწყებული რევოლუციის აკვანს უწოდებენ.
კომენტარები