სირიის პრეზიდენტის ოფისი უარყოფს, რომ ბაშარ ასადმა დედაქალაქი დამასკო დატოვა.
ასადის ოფისის განცხადებით, გმობენ გავრცელებულ ჭორებს და ყალბ ინფორმაციას და აღნიშნავენ, რომ ბაშარ ასადი განაგრძობს მოვალეობების შესრულებას სირიის დედაქალაქიდან.
გასულ კვირას სირიელმა ამბოხებულებმა შეტევა განაახლეს და მას შემდეგ დედაქალაქისგან ჩრდილოეთით და სამხრეთით რამდენიმე ქალაქი დაიკავეს, მათ შორის ალეპო, ჰამა და დერა, რომელიც დამასკოდან სამხრეთით 70 მილში მდებარეობს. აჯანყებულები ასევე შევიდნენ ჰომსში.
ამის პარალელურად, სირიელ ქურთთა დაჯგუფებამ „სირიის დემოკრატიულმა ძალებმა“ დაიკავეს სირიის აღმოსავლეთ ნაწილში მდებარე ქალაქი დეირ-ალ-ზორი, ასევე სირიასა და ერაყის საზღვარზე გადასასვლელი პუნქტი.
კომენტარები