ჩელენჯ თასის გათამაშების პირველი ტურის შეხვედრაში „შავმა ლომმა“ თბილისში, მიხეილ მესხის სახელობის სტადიონზე ფრანგულ „ვანს“ უმასპინძლა და 22:19 დაამარცხა.
ქართველთაგან ერთი ლელო აკაკი ტაბუცაძემ დადო, რომელიც ლუკა მატკავამ ზუსტად გარდასახა, ამას გარდა მატკავამ ხუთი ჯარიმა გაიტანა და მთლიანობაში „შავ ლომს“ 17 ქულა მოუტანა.
ჯგუფის კიდევ ერთ თამაშში „გლოსტერმა“ „ედინბურგს“ 15:10 მოუგო.
„შავი ლომი“ მომდევნო შეხვედრას 15 დეკემბერს სტუმრად „სკარლეტსის“ წინააღმდეგ ჩაატარებს.
კომენტარები