ისრაელის არმიამ სასაზღვრო ბუფერულ ზონაში ჰერმონის მთის სირიის მხარე დაიკავა.
ისრაელის მედიის ინფორმაციით, ტერიტორიის დაკავების ოპერაციაში ისრაელის საჰაერო ძალების ელიტური „შალდაგის“ ქვედანაყოფი მონაწილეობდა.
ოპერაციის დროს ისრაელის ჯარებს წინააღმდეგობა არ შეხვედრიათ. ისრაელის თავდაცვის ძალებმა დღეს განაცხადა, რომ სამხედრო ტექნიკა შეიყვანა ბუფერულ ზონაში ისრაელსა და სირიას შორის, რომელიც ასევე მოიცავს ჰერმონის მთას.
პარალელურად, ისრაელის პრემიერ-მინისტრმა, ბენიამინ ნეთანიაჰუმ სირიაში ასადის რეჟიმის დამხობას ახლო აღმოსავლეთისთვის „ისტორიული დღე“ უწოდა. ნეთანიაჰუს თქმით, ასადის რეჟიმის დამხობა არის „ჰეზბოლას“ და ირანის წინააღმდეგ ისრაელის ძალისმიერი მოქმედების პირდაპირი შედეგი.
კომენტარები