ყოვლადწმინდა სამების საკათედრო ტაძარში გარდამოხსნის წესი შესრულდა. გარდამოხსნა ტაძარში არასრული სამი დღე დარჩება, როგორც უფალი იესო ქრისტე სამი დღე იყო საფლავში. გარდამოხსნას ტაძარში მორწმუნეებმა თაყვანი სცეს და მეტანიები შეასრულეს. მსახურება სრულიად საქართველოს კათოლიკოს-პატრიარქმა ილია მეორემ მღვდელმთავრებთან და სასულიერო პირებთან ერთად შეასრულა.
გარდამოხსნა საკურთხევლიდან გამოაბრძანეს, რომელიც პატრიარქს თავზე ჰქონდა გადაფარებული. ტაძარში შესრულდა სპეციალური ლოცვები და საგალობლები. წაიკითხეს წმინდა სახარებიდან ადგილი, სადაც უფლის ჯვარცმისა და ვნებების შესახებ იყო საუბარი. ასევე, შესრულდა დავით გურამიშვილის ლექსზე “იესო” – შექმნილი საგალობელი.
კომენტარები
