დიდი ალბათობით მათი ეს პოლიტიკური განცხადება სამართლებრივ საფუძველს ვერ პოვებს, – განაცხადა პარლამენტის თავმჯდომარის მოადგილე ნინო წილოსანმა. უმრავლესობის დეპუტატი გამოეხმაურა ქართველი თანამდებობის პირების დიპლომატიური პასპორტებისთვის უვიზო რეჟიმის შეჩერებაზე მიღებულ გადაწყვეტილებას.
„გაკეთდა პოლიტიკური განცხადება, რომ აქვთ სურვილი თავისუფალი სავიზო მიმოსვლა დიპლომატიური პასპორტებისთვის შეაჩერონ. დიპლომატიურ პასპორტებზე ვრცელდება უვიზო მიმოსვლის გამარტივებული რეჟიმი, რომელსაც კიდევ უფრო მკაცრად განსაზღვრული კრიტერიუმები აქვს, შესაბამისად, ამ პოლიტიკური განცხადების შემდეგ ევროპის საბჭოს და შესაბამის სტრუქტურებს მოუწევთ იპოვონ შესაბამისი დასაბუთება იმისთვის, რომ ლურჯი პასპორტის მქონე პირებს შეუზღუდონ უვიზოდ მიმოსვლა რაც კიდევ უფრო დიდ სირთულესთან არის დაკავშირებული. დიდი ალბათობით მათი ეს პოლიტიკური განცხადება სამართლებრივ საფუძველს ვერ პოვებს“, – განაცხადა წილოსანმა.