სინამდვილეში, ამ ადამიანმა გააკეთა საქართველოს მხარდამჭერი განცხადება და მკაფიოდ თქვა ის, რომ არ შეიძლება ქვეყნის შიდა საქმეებში ჩარევა. ამ ნამდვილად სამართლიანი პოზიციის დაფიქსირების გამო, ისინი პოზიციიდან გადაყენებას უპირებენ. აქედან ჩანს, როგორი ძალები იბრძოდნენ საქართველოს წინააღმდეგ, – განაცხადა პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარემ, რატი იონათამიშვილმა.
ის ესტონეთის მედიის მიერ გავრცელებულ განცხადებას გამოეხმაურა, რომლის მიხედვითაც ესტონეთის პარლამენტის საქართველო-ესტონეთის მეგობრობის ჯგუფის ხელმძღვანელს ლაური ლაატსს გადაყენებით ემუქრებიან, ვინაიდან ის საქართველოს ხელისუფლების სასარგებლოდ განცხადებებს აკეთებს.
ლაატსის გადაყენების ინიციატორი საპარლამენტო ფრაქცია Eesti 200-ის წევრი ანდო კივიბერგია.