სალომე ზურაბიშვილი დღეიდან არის ყოფილი პრეზიდენტი, მას აქვს სრული თავისუფლება განახორციელოს ის საქმიანობა, რაც მას სურს, – განაცხადა საგარეო საქმეთა მინისტრმა, მაკა ბოჭორიშვილმა.
მინისტრის თქმით, მას ზურაბიშვილის სამომავლო საქმიანობასთან დაკავშირებით პოზიტიური მოლოდინები არ აქვს.
„რაც შეეხება ოპოზიციისთვის პრეზიდენტობას, ძალიან სამწუხაროა, რომ პრეზიდენტმა თავის დროზე, როდესაც ევალებოდა ყოფილიყო ამ ქვეყნის პრეზიდენტი, აირჩია ოპოზიციის ლიდერობა. ახლა ეს უკვე მათი საქმეა, თუ რა პოზიციებით იქნება ჩაწერილი ოპოზიციის რიგებში. მაშინ, როდესაც ზურაბიშვილს ევალებოდა ამ ქვეყნის ინტერესებისა და კონსტიტუციის დაცვა, მაშინ არ დაუცვია არც კონსტიტუცია და არც საქართველოს ინტერესები, შესაბამისად, მის საქმიანობასთან დაკავშირებით ვერანაირი პოზიტიური მოლოდინები ვერ მექნება“, – აღნიშნა ბოჭორიშვილმა.