ოკუპირებულ ტერიტორიაზე, სადაც საქართველო ვერ აკონტროლებს თავის ტერიტორიას, იქ რაღაცაში ბრალის დასდო ქართულ მხარეს, ეს არის უკიდურესი მტრობა საქართველოს ინტერესებისა, – განაცხადა საპარლამენტო უმრავლესობის წევრმა, თენგიზ შარმანაშვილმა.
„მთავარი არხის“ ეს სიუჟეტი იყო აბსოლუტურად დაცლილი ყოველგვარი მორალისგან. ოკუპირებულ ტერიტორიაზე, სადაც საქართველო ვერ აკონტროლებს თავის ტერიტორიას, იქ რაღაცაში ბრალის დასდო ქართულ მხარეს, ეს არის უკიდურესი მტრობა საქართველოს ინტერესებისა. რაც შეეხება ელექტროენერგიის განაწილების საკითხებს ოკუპირებულ ტერიტორიაზე, ეს ურთულესი საკითხია და ეს არ გრძელდება ერთი და ორი წელი. ეს გრძელდება იქიდან, რაც საქართველოს ტერიტორიული მთლიანობის პრობლემები დადგა და ახლა ეს გამოვიყენოთ ქართული ინტერესების საწინააღმდეგოდ – დაუშვებელია“, – აცხადებს დეპუტატი.
სოფელ საბერიოში ხანძარს გუშინ ხუთი ბავშვი ემსხვერპლა. შემთხვევის დროს ისინი ბებიასთან ერთად იმყოფებოდნენ. მაშველებმა მხოლოდ ბებიის გადარჩენა შეძლეს. ტრაგედიაზე სპეკულაციური შეფასება გაკეთდა ერთ-ერთ ოპოზიციურ ტელეარხზე.