როგორც მოშივებულ ძაღლს გადაუგდებ ძვალს და სიამოვნებით დააცხრება, აი ზუსტად ასე სიამოვნებით დააცხრნენ სანქციების თემას და ხრავენ პოლიტიკურად, ბედნიერი სახეებით, – წერს ანალიტიკოსი ზაალ ანჯაფარიძე რადიკალური ოპოზიციის შესახებ სოციალურ ქსელში.
მისი განცხადებით, ამგვარი რეაქცია ხელისუფლების წარმომადგენლების მიმართ დაწესებულ სანქციებზე, კარგი ინდიკატორია იმისა, რომ ოპოზიცია მხოლოდ გარე მხარდაჭერის იმედზეა. ამასთან, ანჯაფარიძე აღნიშნავს, რომ აგენტურამ, მხარდაჭერის სანაცვლოდ, თავადაც უნდა გასცეს რამე.
“გუშინ და დღეს ვუსმენდი რადიკალური ოპოზიციის წარმომადგენლებს და მათთან დაკავშირებულ სუბიექტებს. როგორც მოშივებულ ძაღლს გადაუგდებ ძვალს და სიამოვნებით დააცხრება, აი ზუსტად ასე სიამოვნებით დააცხრნენ სანქციების თემას და ხრავენ პოლიტიკურად, ბედნიერი სახეებით.
ეს არის ყველაზე კარგი ინდიკატორი იმისა, რომ მხოლოდ გარე მხარდაჭერის იმედად არიან. აგენტურა კი რის აგენტურაა, თუ გარე მხარდამჭერს სანაცვლოდ რამე არ მისცა. რის მიცემას აპირებენ, იმედია ხვდებით” – წერს ანჯაფარიძე.